Transcription
1
Copie de la lettre des sieurs de Chavanhac et de Philippy, depputez en court
2
par ceulx de la religion du Languedoc à monsieur de Montbrun
3
Monsieur, nous eussions bien voulu qvoir ce plaisir et contantement de vous veoir à notre
4
passage, mais l’incertitude que nous avons de votre dernière où elle seroit à present avec
5
le temps court que nous avons de nous rendre à lassignation à Milhau, nous
6
faict passer oultre, non sans toutesfoys avoir prins ceste commodité vous faire part
7
de noz nouvelles mesmes de la bonne santé en laquelle il a pleu à Dieu nous
8
conserver en notre voiage. Touchant le succès de notre negociation, vous aurez
9
peu entendre comment le roy a depputé meseigneurs le marechal de Dampville, duc d’Uzès,
10
de Caylus et president Truchon pour conferer avec noz depputez de toutes choses
11
concernant le faict de la religion, noz seurtez, justice et pollice ; nous vous dirons
12
encores ce mot que nous avons congneu tant à sa majesté que tous ceulx de son
13
conseil un bon desir à la pacification et repos de ce royaume avec infinies
14
exhortations qui nous sont esté faictes de leur part pour y parvenir. Nous
15
prions Dieu que tout soit à son honneur et gloyre. Nous pençons que vous
16
manderés des depputez de votre part comme par cy devant vous avons escrit
17
bien informez sil vous plaist de votre adviz et conseil le roy sur le dernier
18
commandement quil nous a faict a esté pour lobservation et entretenement de la tresve,
19
laquelle il nous a de rechef prolongié et mandé audit sieur marechal son intention
20
et vouloir, prenant à grand regret et desplaisir les contraventions et excès
21
qui se commectent au contraire à la grande ruyne du peuple. Nous lavons
22
faict entendre à monsieur de Gordes qui nous a communiqué de voz lettres et discours
23
plusieurs particularitez. Nous vous prions très affectionnement pendant ladite tresve,
24
et attendant la resolution quil plaira à Dieu nous donner, tenir toutes choses,
25
mesmes les actes dhostillité en surceance comme scavés trop mieulx la necessité
26
du pouvre peuple le requerir et que par telz deportemens la voye de pacification
27
se pourroit altérer. Remectant tout à votre prudence accoustumée, ne vous
28
ferons la presente plus longue esperant à Nysmes estre plus particulierement
29
informé de lestat de noz asfaires ; le roy de Pollongne preint congé du roy
30
à Victry en Partoys le XIIe du present moys et print son chemin vers Metz où la
31
royne sa mère et sa seur royne de Navarre et la pluspart des seigneurs de la court
32
[190 v°] le vont accompagnier. Monsieur le prince de Condé, de Nevers et le marechal
33
De Retz laccompagnent en Pollongne. Le roy, de Victry sen est venu à Chaalons
34
en Champagne, attendant le retour des roynes et autres qui sont allez jusques
35
à Metz. Monsieur d’Uzès passera de ces jours pour aller trouver monsieur
36
le marechal, comme fera monsieur de Caylus par le pays de Rouergues. Nous
37
avons trouvé en chemin sus Vallence les Suysses qui licenciez sen vont en leur
38
pays, qui est tout ce que, pour le present, nous vous pouvons faire entendre, après
39
noz plus humbles et affectionnées recommandations en voz bonnes graces, priant le Createur,
40
monsieur, vous tenir en sa perpetuelle garde. De Piarrelatte, le
41
XXe nov[embre] 1573.
42
Voz plus affectionnez à vous faire tout humble service.
43
De chavanhac de philippi et au dessus
44
« A monsieur, monsieur de Montbrun ».